انا كمان مش هاتجوز !!

عدد المساهمات : 29 تاريخ التسجيل : 01/12/2008

[size=12]
انا مش هتجوز
قالهالى صاحبى امبارح خلانى انفجرت فى الضحك
قولتله انت تقريبا رقم 151545564649634
اللى يقولى الجملة دى
هو طبعا فى مشكلة عاطفية بس مش هو دة سبب عدم جوازه
هو اولا اصغر منى باربع ايام
ومع ذلك خلص دبلوم واشتغل فى شركة واتثبت كمان ومستقبله كويس
بس هو حسبها لقى انه عشان يجيب شقة فاضية بس هيكون سنه 27 سنة
فقرر يجيب الشقة على قده ويحط فيه الكومبيوتر
والسماعات الكبيرة بتاعته(اصله مجنون صوت عالى)
ويعيش عازب وتمام التمام
طبعا حاولت اقنعه ان دة ميكروب بيصيب البنى ادمين وانه هيخف قريب
بس هو مش راضى يقتنع بس اخدته على قد عقله وقولتله اما نشوف
بس تصدقوا عنده حق يعنى لو 27 سنة لشقة فاضية
و 35 يكون جاب شوية حاجات فى الشقة
و40 يكون معاه لزوم الجواز
يعنى العملية بايظة خالص
اقولكم حاجة العزوبية ارحم
انا مش هتجوز